Malayalam 
കലൂരിലെ നൃത്ത പരിപാടിക്ക് കോര്പ്പറേഷന്റെ ഒരനുമതിയും വാങ്ങിച്ചിട്ടില്ല, ചില്ലിക്കാശ് വിനോദ നികുതി അടച്ചിട്ടില്ല : മേയര് എം.അനില് കുമാര്
എറണാകുളം: കലൂര് സ്റ്റേഡിയത്തിലെ നൃത്ത പരിപാടിക്കിടെ എംഎല്എ ഉമ തോമസിന് പരുക്കേറ്റ സംഭവത്തില് പരിപാടിയുടെ സംഘാടകര്ക്കെതിരെ കൊച്ചി മേയര് എം.അനില് കുമാര് രംഗത്ത്. പരിപാടിയുടേത് മര്യാദയില്ലാത്ത സംഘാടനമെന്ന് പറഞ്ഞ മേയര് തന്നെ സംഘാടകര് തലേ ദിവസം മാത്രമാണ് ക്ഷണിച്ചതെന്നും അപ്പോള് തന്നെ വരില്ല എന്ന് പറഞ്ഞിരുന്നെന്നും വ്യക്തമാക്കി.
Also Read ; പാചക വാതക വില മുതല് മൊബൈല് ഡാറ്റ നിരക്കുകള് വരെ; അടിമുടി മാറ്റങ്ങളുമായി 2025
ജിസിഡിഎ ചെയര്മാനും പരിപാടിക്ക് വിളിച്ചിരുന്നു എന്നിട്ടും പോയില്ലെന്നും മേയര് പറഞ്ഞു. അതേസമയം പരിപാടിയുടെ നടത്തിപ്പുമായി ബന്ധപ്പെട്ട് സംഘാടകര് കോര്പ്പറേഷന്റെ ഒരനുമതിയും വാങ്ങിച്ചിട്ടില്ലെന്നും കോര്പറേഷനെ സമീപിച്ചുപോലും ഇല്ലെന്നും മേയര് പറഞ്ഞു. കൂടാതെ ചില്ലിക്കാശ് വിനോദ നികുതി അടച്ചിട്ടില്ലെന്നും എം.അനില് കുമാര് പറഞ്ഞു.
സ്റ്റേഡിയത്തില് നടന്നത് ടിക്കറ്റ് വച്ച് പണം പിടിച്ചുള്ള പരിപാടിയാണ്. അതിന് ചില്ലികാശ് വിനോദ നികുതി അടച്ചിട്ടില്ല. കോര്പറേഷന് സെക്രട്ടറിയെ ഇക്കാര്യം അറിയിച്ചിട്ടുണ്ട്.പരിപാടിയുടെ സംഘാടകര്ക്ക് ഉടന് നോട്ടിസ് അയക്കുമെന്നും മേയര് പറഞ്ഞു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
