Malayalam 
കേരളത്തില് ഇന്നും ഉയര്ന്ന ചൂട്; എട്ട് ജില്ലകളില് യെല്ലോ അലേര്ട്ട്
കോഴിക്കോട്: കേരളത്തില് ഇന്നും ഉയര്ന്ന ചൂടിന് സാധ്യത. മുന്കരുതലിന്റെ ഭാഗമായി എട്ട് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്. കൊല്ലം, പത്തനംതിട്ട, കോട്ടയം, തൃശൂര്, പാലക്കാട്, കോഴിക്കോട്, കണ്ണൂര്, കാസര്കോട് എന്നീ ജില്ലകളിലാണ് മുന്നറിയിപ്പുള്ളത്.
Also Read; എറണാകുളം ജില്ലാ ജയിലില് ഗുരുതരമായ ജാതി അധിക്ഷേപം; ഡോക്ടര്ക്കെതിരെ കേസെടുത്തു
ഉയര്ന്ന താപനിലയും ഈര്പ്പമുള്ള വായുവും കാരണം അസ്വസ്ഥതയുള്ള കാലാവസ്ഥയ്ക്കും സാധ്യതയുണ്ട്. ഈ സാഹചര്യത്തില് പൊതുജനങ്ങള് ജാഗ്രത പാലിക്കണമെന്നും രാവിലെ 11 മുതല് വൈകുന്നേരം മൂന്ന് മണിവരെ നേരിട്ട് വേയിലേല്ക്കരുതെന്നും കാലാവസ്ഥാവകുപ്പ് മുന്നറിയിപ്പില് പറയുന്നു.
പുറം ജോലികളില് ഏര്പ്പെടുന്നവര്, കടലിലും ഉള്നാടന് മല്സ്യബന്ധനത്തിലും ഏര്പ്പെടുന്ന മത്സ്യത്തൊഴിലാളികള്, ജലഗതാഗതത്തിലേര്പ്പെടുന്നവര്, ബൈക്ക് യാത്രക്കാര്, വിനോദസഞ്ചാരികള്, ചര്മരോഗങ്ങളുള്ളവര്, നേത്രരോഗങ്ങളുള്ളവര്, ക്യാന്സര് രോഗികള്, മറ്റ് രോഗപ്രതിരോധശേഷി കുറഞ്ഞ വിഭാഗങ്ങള് തുടങ്ങിയവര് പ്രത്യേകം ജാഗ്രത പാലിക്കണം.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
പകല് സമയത്ത് പുറത്തേക്ക് ഇറങ്ങുമ്പോള് തൊപ്പി, കുട, സണ്ഗ്ലാസ് എന്നിവ ഉപയോഗിക്കാന് ശ്രമിക്കുക. ശരീരം മുഴുവന് മറയുന്ന കോട്ടണ് വസ്ത്രങ്ങള് ഉപയോഗിക്കുന്നതായിരിക്കും ഉചിതം. യാത്രകളിലും മറ്റും ഇടവേളകളില് തണലില് വിശ്രമിക്കാന് ശ്രമിക്കുക എന്നിങ്ങനെയുള്ള നിര്ദേശങ്ങളും കാലാവസ്ഥാ വകുപ്പ് നല്കിയിട്ടുണ്ട്.
