Malayalam 
മുന് ജാര്ഖണ്ഡ് മുഖ്യമന്ത്രി ഷിബു സോറന് അന്തരിച്ചു
ന്യൂഡല്ഹി: മുന് ജാര്ഖണ്ഡ് മുഖ്യമന്ത്രിയും ജാര്ഖണ്ഡ് മുക്തി മോര്ച്ച നേതാവുമായ ഷിബു സോറന് അന്തരിച്ചു. 81 വയസ്സായിരുന്നു. ഡല്ഹിയിലെ ഗംഗാ റാം ആശുപത്രിയില് ചികിത്സയിലായിരുന്നു. മകനും ജാര്ഖണ്ഡ് മുഖ്യമന്ത്രിയുടെ ഹേമന്ത് സോറന് ഡല്ഹിയില് ഉണ്ടായിരുന്നു. ആരോഗ്യനില മോശമായതിനെ തുടര്ന്ന് വെന്റിലേറ്റര് സംവിധാനത്തില് തുടരുകയായിരുന്നു. കിഡ്നി സംബന്ധമായ അസുഖത്തെ തുടര്ന്ന് ജൂണ് അവസാന വാരമാണ് ഷിബു സോറനെ ഗംഗാ റാം ആശുപത്രിയില് പ്രവേശിപ്പിച്ചത്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ജാര്ഖണ്ഡ് മുക്തി മോര്ച്ച സ്ഥാപകനാണ്. കഴിഞ്ഞ 38 വര്ഷമായി പാര്ട്ടിയുടെ നേതൃസ്ഥാനത്തിരുന്ന് നയിച്ചു. എട്ട് തവണ ലോക്സഭാംഗമായ ഷിബു സോറന് മൂന്ന് തവണ വീതം കേന്ദ്ര കല്ക്കരി വകുപ്പ് മന്ത്രിയായും ജാര്ഖണ്ഡ് മുഖ്യമന്ത്രിയായും പ്രവര്ത്തിച്ചു.
