Malayalam 
ഭൂട്ടാന് വാഹനക്കടത്ത്; സിനിമാ താരങ്ങളെ ഇഡി ചോദ്യം ചെയ്യും
കൊച്ചി: ഭൂട്ടാന് വാഹനക്കടത്തുമായി ബന്ധപ്പെട്ട് സിനിമാ താരങ്ങളെ ചോദ്യം ചെയ്യാന് ഇഡി. താരങ്ങളുടെ പക്കല് രേകഖള് പിടിച്ചെടുത്തതിന് ശേഷം ചോദ്യം ചെയ്യലിന് ഹാജരാകാന് നിര്ദ്ദേശം നല്കും. ദുല്ഖര് സല്മാന്, പൃഥ്വിരാജ്, അമിത് ചക്കാലക്കല് എന്നിവരെ ഇഡി ചോദ്യം ചെയ്യും. താരങ്ങളോട് ബാങ്ക് അക്കൗണ്ട് വിവരങ്ങള് ഹാജരാക്കാന് ഇ.ഡി നിര്ദേശം നല്കിയിട്ടുണ്ട്. ഫെമ ചട്ട ലംഘനവുമായി ബന്ധപ്പെട്ട് തെളിവുകള് ശേഖരിക്കുകയാണ് ലക്ഷ്യം.
സ്വര്ണപ്പാളി വിവാദം; മൊഴിയെടുപ്പിന് ഹാജരാകാതെ സ്മാര്ട്ട് ക്രിയേഷന്സ് ഉടമ
ഇന്നലെ നടന്ന പരിശോധനയില് ദുല്ഖര് സല്മാന് ഉള്പ്പെടെയുള്ള ആര് സി ഉടമകളുടെ മൊഴിയും രേഖപ്പെടുത്തിയിട്ടുണ്ട്. ദുല്ഖറിന്റെ വാഹനം വിട്ടു നല്കുന്നില്ലെങ്കില് അതിന് കൃത്യമായ വിശദീകരണം നല്കാന് കസ്റ്റംസിനോട് കഴിഞ്ഞ ദിവസം ഹൈക്കോടതി ആവശ്യപ്പെട്ടിരുന്നു. ഇന്ത്യയിലേക്ക് ഭൂട്ടാന്/നേപ്പാള് റൂട്ടുകളിലൂടെ ലാന്ഡ് ക്രൂയിസര്, ഡിഫന്ഡര് തുടങ്ങിയ ആഡംബര കാറുകളുടെ നിയമവിരുദ്ധ ഇറക്കുമതിയിലും രജിസ്ട്രേഷനിലും ഏര്പ്പെട്ടിരിക്കുന്ന ഒരു സിന്ഡിക്കേറ്റിനെ കുറിച്ചുള്ള വിവരങ്ങളുടെ അടിസ്ഥാനത്തിലാണ് റെയ്ഡ് എന്നാണ് ഇഡി അറിയിച്ചത്.
