Malayalam 
സ്വര്ണക്കൊള്ള; ദ്വാരപാലക ശില്പ്പ കേസില് തന്ത്രി കണ്ഠര് രാജീവരെ അറസ്റ്റ് ചെയ്യും
തിരുവനന്തപുരം: ശബരിമല ദ്വാരപാലക ശില്പ്പപാളി കേസില് തന്ത്രി കണ്ഠര് രാജീവരെ അറസ്റ്റ് ചെയ്യും. നിലവില് കട്ടിളപാളി കടത്തിയ കേസില് അറസ്റ്റിലാണ് തന്ത്രി. ജയില് കഴിയുന്ന തന്ത്രിയെ ജയിലിലെത്തിയാവും എസ്ഐടി സംഘം അറസ്റ്റ് രേഖപ്പെടുത്തുക. നാളെ കസ്റ്റഡി അപേക്ഷ നല്കാനും അന്വേഷണ സംഘം തീരുമാനിച്ചു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
കോടതിയുടെ അനുമതി ലഭിച്ചതോടെയാണ് ജയിലിലെത്തി തന്ത്രിയുടെ അറസ്റ്റ് രേഖപ്പെടുത്താന് അന്വേഷണ സംഘം ഒരുങ്ങുന്നത്. തന്ത്രിക്ക് തട്ടിപ്പില് ബന്ധമുണ്ടെന്നാണ് എസ്ഐടി കൊല്ലം വിജിലന്സ് കോടതിയില് നല്കിയ റിപ്പോര്ട്ട്. സ്വര്ണം ചെമ്പാക്കിയ വ്യാജ മഹസറില് തന്ത്രി ഒപ്പിട്ട് ഗൂഢാലോചനയില് പങ്കാളിയായെന്നാണ് എസ്ഐടി കോടതിയെ അറിയിച്ചത്.