Malayalam 
രാജ്യതലസ്ഥാനത്ത് വന് തീപിടുത്തം; 20 പേര് മരിച്ചെന്ന് പ്രാഥമിക വിവരം
ഡല്ഹി: രാജ്യതലസ്ഥാനമായ ഡല്ഹിയില് ഹോട്ടലില് വന് തീപിടിത്തം. അപകടത്തില് 20 പേര് മരിച്ചെന്നാണ് പ്രാഥമിക വിവരം. നിരവധി പേര്ക്ക് പരിക്കേറ്റിട്ടുണ്ട്. മാളവ്യനഗറിലുള്ള ലെമണ് ഗ്രീന് റസ്റ്റോറന്റിലാണ് ഇന്ന് പുലര്ച്ചെ തീപിടിത്തമുണ്ടായത്. രാവിലെ 9.45ഓടെയാണ് തീപിടിത്തം സംബന്ധിച്ച് ഡല്ഹി ഫയര് സര്വീസ് ഡിപ്പാര്ട്ട്മെന്റിന് വിവരം ലഭിച്ചത്. ഉടന് തന്നെ സംഘം സ്ഥലത്തെത്തി രക്ഷാപ്രവര്ത്തനം ആരംഭിച്ചു. 11 പേരെ രക്ഷപ്പെടുത്താനായതായും പരിക്കേറ്റവരെ ആശുപത്രിയില് പ്രവേശിപ്പിച്ചതായും ഫയര്ഫോഴ്സ് ഉദ്യോഗസ്ഥര് പറയുന്നു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
തീ പിടിത്തത്തിന്റെ കാരണം ഇതുവരെ വ്യക്തമായിട്ടില്ല. നാല്പ്പതോളം പേര് സംഭവം നടക്കുമ്പോള് ഹോട്ടലില് ഭക്ഷണം കഴിക്കാന് എത്തിയിരുന്നു. ആദ്യ ഘട്ടത്തില് മൂന്ന് പേരെ രക്ഷിക്കാനായി. ഫയര് ഫോഴ്സിന് എത്തിച്ചേരാന് ബുദ്ധിമുട്ടുള്ള പ്രദേശമായതിനാല് രക്ഷാപ്രവര്ത്തനം ആദ്യ ഘട്ടത്തില് ദുഷ്കരമായിരുന്നു. അഞ്ചു നില കെട്ടിടത്തിന്റെ താഴത്തെ നിലയില് പ്രവര്ത്തിച്ചിരുന്ന റസ്റ്റോറന്റിലാണ് അഗ്നിബാധ ഉണ്ടായത്.